انجمن دفاع از حقوق مسدومین


    (په یامی ریکخراوی داکوکی له مافی قوربانیانی کیمیایی سه رده شت به بونه ی 28 مین سالیادی کاره ساتی هه له بجه)


    بە نێوی خوای گەورە و مەزن

    خەڵکی زام داری کوردستان، خەڵکی شەهید پەروەری هه ڵه بجە

    ئێمە وەکو ئەنجومەنی داکۆکی لە مافی قوربانیانی چەکی کیمیایی شاری سەردەشت وێرای گشت ئازادیخوازانی جیهان و جەماوەری بە شەڕەفی کوردستان تڕاژدیای دڵتەزێنی هەڵه بجە بەخەم و پەژارەیەکی زۆر یاد دەکەینەوە وە سەری ڕێز و نەوازش بۆ شەهیدان سه ربه رزی کاره ساته که دادەنوێنین. پێمان وایە هه ڵەبجە زامێکی بەردەوامە لە جەستەی مرۆوایەتی وە خەڵکی کوردستانە. ئێستا کە دوای ۲٨ ساڵ یادی ئەو کارەساتە دڵ تەزێنە دە کەین، بە ئەرکی خۆمان و تەواوی مرۆڤایەتی بە تایبەت برپرسانی حکومەتی هه رێم دەزانین ئەوەی لە دەستمان دێ بۆ سوکناهێنانی دڵ و زامی کەس و کاری قوربانیان وە تەواوی خەڵکی هه ڵه بجه جی به جی کەین . چالاکیه کانی خۆمان بۆ نەهێشتنی چەکی کۆمەڵکوژی لە جیهان زیاتر که ین و  پێمان وایە لە قاودان و ناساندنی زیاتری ئەو زامە بە جیهانیان هه نگاوێکی گرینگه.
    داواکارین ڕێکخراوە نێو دەوڵەتیه کانی بەرپرس بۆ نەهێشتنی چەکی کۆمەڵکوژ بو بەدیهێنانی ئاشتی له جیهان شێل گیرانەتر ئەرکی خۆیان بەرنە پێش تا تراژدی بە کار هێنانی چەکی کیمیایی دژ به گه لی کورد لە سەدەی بیست و یەک دا دوپات نە بێتەوە. بەڵام زۆر بەداخەوە دوای بیست و هه شت ساڵ لە تێپەڕ بونی بۆمبارانی کیمیایی سەردەشت و حه ڵەبجە وە دروست بونی زور ڕێکخراوه ی ناوچەیی و ناودەوڵەتی بۆبەرگری لە بەکار نەهێنانی چەکی کیمیایی و کۆمەڵ کوژی، هێشتا دەبیسین وە دەبینین زۆرێک لە مرۆڤەکان دەکەونە ژێر ڕەهێڵەی ئەو چەکە قەدەغە کراوانە، کە بی گومان ئەوە پێویستی بە هه وڵ و تێکۆشانی زیاتری ئازادیخوازان هه یە. وێڕای ڕێز لە و بنەماڵانەی کە ئەرکی گەورە کردنی منداڵانی ون بوی حەڵەبجەیان بە ئەستۆوەگرتوە، خۆشحاڵی خۆمان بۆ شادبونەوە و بە یەک گەیشتنه وەی بنەماڵەی ئازیزانی حەڵەبجە یی دەردەبڕین کە دوای دەیان ساڵ منداڵانی ون بوی خۆیان لەو تڕاژدیایە دەبینینەوە.
    لە کۆتاییدا وێڕای دەست خۆشی بەشداربوان بە تایبەت گروپی شاخەوانان سەردەشت کە هاوڕیمان بون بۆ بە ریوه بردنی بیست و هه شتەمین ساڵیادی بیرەوەری کیمیابارانی حەڵەبجە، هیوای سەر بەرزی بۆ هه مو مرۆڤ و دونیایەکی پڕ لە ئاشتی و ئازادی دەخوازین .


    ڕیکخراوی داکۆکی لە مافی قوربانیانی کیمیایی سەردەشت

    1394/12/25